ابڙو اڪيڊمي Abro Academy
2020-07-18
داخلا نمبر 531
عنوان ڪانءُ، ڪانگ
شاخ پکي
پڙهيو ويو 393
داخلا جو حوالو:
ڪانءُ، ڪانگ
هي ڄاتل سڃاتل ۽ هر وقت ڪنهن ٽوهه ۾ نظر ايندڙ پکي 45 سينٽي ميٽرن جو ٿئي ٿو. رنگ چمڪدار ڪارو اٿس، خاص ڪري پٺي مٿو ۽ ڳچي. ڪانءَ جو رنگ ڪنڌ کان ڇاتيءَ تائين گهرو سرمائي، چهنب ٿلهي مضبوط، ڊگهي ۽ ڪاري ٿئي ٿي. ماڻهوءَ کي بيخبر ڏسي ان جي هٿن مان شيون کسي ويندو آهي . کائڻ مهل شئ چنبي ۾ جهلي چهنب هڻندو آهي. عام طور تي اڪيلو ڏسبو آهي پر تمام گروهه پسند آهي. خطري يا نقصان جي احساس مهل ڪٿان ڪٿان جا ڪانءَ اچي مڙندا ۽ “ڪانءِ! ڪانءِ!“ ڪري سڄي برادريءَ کي جمع ڪندا آهن ۽ دشمن کي ڀڄڻ تي مجبور ڪري وجهندا آهن. دشمن کي لامارن ۽ گهتن سان چنبا هڻي زخمي ڪن ٿا. ڪانءَ وڻن تي ڪاٺڙين جو وڏو آکيرو جوڙيندو آهي. جيتوڻيڪ تمام سياڻو ۽ خبردار پکي آهي ته به ڪوئل ان جي آکيري ۾ آنا لاهيندي آهي ۽ ڪانءُ ان کي پنهنجا آنا سمجهي سنڀاليندو آهي. ڪانءُ مُـردار خور پکي آهي پر گهڻو ڪري ان ئي علائقي ۾ ملندو آهي جتي انسان موجود هجن. شايد ان جو گذارو انسانن کان سواءِ مشڪل آهي. هي ماحول : 6 جو پکي آهي.